Ukuphuma komthwalo
Isithuthuthu
Isithuthuthu akumele sisetshenziswe emgwaqweni womphakathi uma noma yiyiphi impahla ethwelwe kuso, noma kunoma yiliphi ikali eliseceleni, iphuma —
- ngaphezu kwama-600 amamilimitha ngaphambi kwe-ekseli yesondo langaphambili,
- ngaphezu kwama-900 amamilimitha ngemuva kwe-ekseli yesondo langemuva,
- ngaphezu kwama-450 amamilimitha nhlangothi zombili zamasondo, futhi
- ngaphezu kwama-300 amamilimitha ngaphandle kwesondo lekali eliseceleni.
Izimoto
Imoto elula nesindayo akumele isetshenziswe emgwaqweni womphakathi ithwele noma yiyiphi impahla ephuma:
- a) nhlangothi zombili zomugqa ophakathi nobude bemoto ngaphezu kwalokhu;
- i. uma kuyibhasi noma imoto yempahla ene-BVM eyeqa ama-kg angu-12 000 — amamitha angu-1,3, (ngakho ububanzi obukhulu bempahla ngamamitha angu-2,6)
- ii. uma kungenye imoto, amamitha angu-1,25. (ngakho ububanzi obukhulu bempahla ngamamitha angu-2,5)
Kodwa noma yisiphi isibuko esiseceleni noma isikhombisi sendlela emotweni ngeke sibalwe;
Imoto elula nesindayo akumele isetshenziswe emgwaqweni womphakathi ithwele noma yiyiphi impahla ephuma:
- a) ngaphezu kwama-300 amamilimitha ngale komphetho wangaphambili wemoto.
- b) ngaphezu kwamamitha angu-1,8 ngale komphetho wangemuva wemoto.
Imoto elula nesindayo akumele isetshenziswe emgwaqweni womphakathi:
- Uma noma yiliphi ibhulakhethi liphuma ngaphezu kwama-150 amamilimitha ngale kwengxenye ebanzi kakhulu yemoto. (Izibuko zangemuva eziseceleni noma izikhombisi zendlela azibalwa)
Pass